ایلو صوبہ غاتا مون اٹ بلوچستان نا جم حالیت جوان ءِ ،ڈاکٹر عارف علوی

کوئٹہ ( اے پی پی ) صدرمملکت ڈاکٹرعارف علوی پارینے کہ کورونا وائرس نا توننگ کن مچ آ قوم یکجا مرسا جنگ کننگ ءِ بنجائی و صوبائی حکومت آک کورونا وائرس نا توننگ تون اوار اوار احساس ولشت پروگرام نا رداٹ نیزگار تپہ غاتا مشکل آتا ازالہ ءِ کننگ کن پبی و سوگو ءُ گام گیج کننگ ءُ ایلو صوبہ غاتا مون اٹ بلوچستان نا جم حالیت آک است جمی نا سوب ءُ کورونا وائرس نا ناجوڑ آتا درمان تفتان و پاک اوغان بارڈرچمن نا ہند بارڈرآن پترینگوک آ بندغ آتا اسکریننگ و کورنٹائن نا آسراتی تیا صوبائی حکومت نا خذمت آتا ستا ءِ کینہ۔ داخیال آتا درشانی ءِ او اسہ دے ئی دورہ کوئٹہ نا وخت آ بڑزکو کہولی دیوان نا کماشی ءِ کرسا کرے۔ دیوان اٹی گورنر بلوچستان جسٹس ریٹائرڈ امان اللہ یاسین زئی وزیراعلیٰ بلوچستان جام کمال خان بنجائی وزیر داخلہ سید اعجاز شاہ بنجائی وزیر مذہبی امور پیر نور الحق قادری ، چیئرمین این ڈی ایم اے لیفٹیننٹ جنرل محمدافضل صوبائی وزیر میر ظہور بلیدی،م انجینئر زمرک خان اچکزئی عبدالخالق ہزارہ ، کمانڈر سدرن کمانڈ لیفٹیننٹ جنرل وسیم اشرف و ایلو کمامدارآک ساڑی ئسر۔ دیوان اٹی چیف سیکرٹری بلوچستان کیپٹن ریٹائرڈ فضیل اصغر صدر مملکت عارف علوی ءِ کورونا وائرس نا بابت حوال تس ، صدر عارف علوی حکومت بلوچستان نا کنڈآن کورونا وائرس نا توننگ کن چست کروک آ گام گیج آتیا است جمی نا درشانی ءِ کرسا پارے کہ دا دین انا برخلاف بنجائی و صوبائی حکومت آک الس نا کمک اٹ سوگو ءُ حکمت عملی اسے نا رداٹ کاریم کننگ ءُ صدر پارے کہ دا وخت گچین مروک آ نمائندہ غاک نیزگار الس کن برجاکمکی سرجزآتا چاروکی تون اوار اوار شعوری آگاہی نا مون آ دننگ کن کلیدی کڑد ادا کیر صدر گچین مروک قومی و صوبائی اسمبلی نا نمائندہ و غٹ عالم دین تیا زور شاغا کہ دا مشکل ساہت اٹی حکومتی گام گیج آتون تفر اوپارے کہ حکومت کورونا وائرس تون اوار اوار نیزگار نا برخلاف ہم جنگ کننگ ءِ صدر پارے کہ کورونا وائرس نا دا بھلا حالیت آتے ٹی تعلیمی چرجوئی ءِ برجاتخنگ کن ٹیلی ویڑن و ایف ایم ریڈیو ءِ کاریم اٹ اتسا تعلیمی حرج ءِ پورو کننگ مریک، کورونا وائرس نا دا دین اٹی نن بھاز انگا مثبت ہیت آتے ہم ہیل کرین و داپیدوار مس کہ خور و کشاری پیداوار اٹی خودکفالت اختیار کرسا خور انا تنکی آن بچنگ مریک اوپارے کہ لاک ڈاو¿ن اٹی نیزگار بندغ آتا خواری تا احساس ارے واپاری ہند آتا بند مننگ نا زہم خواری کش و کاروباری تپہ غاتیا تمانے۔ اودااومیت نادرشانی ءِ کرے کہ بھاز زوت کورونا وائرس ءِ شکست ترسا معمولات زند انا کنڈآکانہ، چیئرمین این ڈی ایم اے لیفٹیننٹ جنرل محمد افضل دیوان ءِ پارے کہ این ڈی ایم اے صوبائی حکومت تون پورو رابطہ ٹی ءِ ۔ و گرج آتا رداٹ گڑافراوان کننگ ءِ صوبائی حکومت نا ڈیمانڈ نا رداٹ پین گڑاہم فراوان کینہ۔