مشرف ءِ کشان، عمران ءِ ہم کشنہ

0

Get real time updates directly on you device, subscribe now.

گڑھی خدا بخش: پاکستان پیپلز پارٹی نا شریک چیئرمین و مسکوہی صدر آصف علی زرداری حکومت آ تنقید کرسا پارینے کہ دافک پاکستان ءِ چلیفنگ کپننگ ءُ، دا کرکٹ ٹیم چلیفوک ءُ نو۔ ہوئے ہرا وڑ مشرف ءِ کشان، ہندن عمران خان ءِ ہم کشنگ کینہ۔ عمران خان ملکی زرگزران ءِ نزور کرینے، وزیراعظم ملک آ رحم کے، حکومت ءِ اِلے، دوارہ گچین کاری نا پڑو کے۔ دا ہیت آتا درشانی ءِ او گڑھی خدا بخش اٹی بینظیر بھٹو نا کزیہ دے نا وخت آ ویڈیو لنک نا کمک اٹ تینا تران اٹی کرے۔ آصف علی زرداری پارے کہ اینو اینو سرخ سلام، پیپلزپارٹی نا شہید آتا، بی بی گودی نا دے ءِ، او ننے پارے کہ سیاست کرسا ہنبو، ملک اکن جنگ ایتبو، ننے بھاز کاریم کروئی ءِ، پاکستان ءِ جوڑ کروئی ءِ،نن ہر گڑا نا حساب ءِ ہلینہ، ولے جمہوریت نا پلو ءِ یلہ کپنہ۔ نن بے نظیر نا سوچ ءِ مون آ تخسا پاکستان ءِ اسٹ کرین، 18 می ترمیم تسن، پختونخ و بلوچ آتے اوفتا حق ءِ تسن۔ اینو کنا کوشست ءِ کہ غٹ سیاسی جماعت آک اسہ پیج آ بریر۔ مسکوہی صدر نا پاننگ ئس کہ اسہ ایلو ءِ پاپبو، منہ کاریم اس ننے آن ہیل کبو۔ ننے وڑ و ڈَول تے بدل کروئی تمک، ہرا وڑ ای مشرف ءِ صدر مننگ نا دے تیٹی پال آن سی آنبار کشاٹ، ہندن عمران خان ءِ ہم کشنگ کینہ۔ منہ گڑاس ننے آن ہم ہیل کبو، جیل آتے پر کینہ۔ جیل آن خلپنہ۔ دا حکومت سلپک۔ ولدا غریب آتا حکومت بریک۔ آصف زرداری پارے کہ گلگت بلتستان آن ہلیس ہر جاگہ پیپلز پارٹی نا پن ہلنگک۔ ہر بندغ اومیت تفینے، کہ بھٹو نا پارٹی بس تو شونہالی بریک۔ پیپلز پارٹی دور اٹی ہر گڑا اڑزان ئس، مسکوہی صدر پارے کہ بینظیر بھٹو چنا تا چرت ءِ خلتو و جمہوریت کن جنگ تس۔ ہندا سوب آن بلاول ہم پارے کہ جمہوریت گچین ءُ بیر اسے۔ مشرف اینو پیسکنگ اٹی ءِ، ولے پاکستان آ بننگ کپک۔ نما ہچ ءُ حیثیت اس اف۔ مشرف آنبار نما پارٹی ہم چٹک۔ او وزیر اعظم عمران خان آ مون کرسا پارے کہ پاکستان آ رحم کر، حکومت ءِ اِلے دوارہ گچین کاری کرف۔ دوارہ گچین کاری کرف ہُرنہ الس دیر تون سلوک ءِ۔ پی ڈی ایم والاک اصل الس نا نمائندے ءُ۔ نن بے نظیر نا سوچ آ گام کرسا پاکستان ءِ مچ کرین۔ ننے بھاز کاریم کروئی ءِ، پاکستان ءِ جوڑ کروئی ءِ۔ او پارے کہ نن 27 ارب نا ایکسپورٹ اِلاسن ہناسن، پاکستان داکان شیف بسنے۔ دافتتون وخت کم ءِ، دافک چلینگ کپسہ۔ دا تینا گمر آن تینٹ تمرہ۔ ملک چلیفنگ کن اسہ پین سج اس درکار مریک۔ دافتیٹی ہم سج اف۔ ای اولیکو دے اسمبلی ٹی پاریسٹ کہ دا یا ملک ءِ چلیفبو، یا نیب ءِ۔ مسکوہی صدر پارے کہ اینو کس پیپلزپارٹی نا حکومت نا دے تیٹی سیاسی ءُ بندی سے نا شاہدی تننگ کپک۔ آ صف زرداری پارے کہ نم تو کارے بریرے، نما ہچ ءُ حیثیت اس اف، ہرا وڑ مشرف پارٹی اس جوڑ کریسس، او چٹا، داسہ نم جوڑ کرینرے، دا ہم چٹک۔

(آن لائن)

Get real time updates directly on you device, subscribe now.

Leave A Reply

Your email address will not be published.