پاکستان اٹی حقی امن اوغان تا امن و آسراتی تون گنڈوک ءِ، عمران خان
Get real time updates directly on you device, subscribe now.
اسلام آباد / واشنگٹن(آن لائن) وزیراعظم عمران خان پارینے کہ تانکہ اوغان تے امن و سوکن نصیب مفک۔ پاکستان اٹ ہم حقی امن مفک۔ پاکستان و اوغانستان اسہ ایلو تون جغرافیہ، دود ربیدہ و سیالی ٹی گنڈوک ءُ، ہراتم اسکان اوغان تے امن وسکون نصیب مفک پاکستان ہم حقی امن دوئی کننگ کپک، اوغانستان آن درملکی فوج آتا کشنگ غیردانش مندانہ مریک۔ امریکی ہڑدے واشنگٹن پوسٹ اٹ نوشتہ انگا اسہ مضمون اسے ٹی وزیراعظم پارینے کہ امریکی صدر ٹرمپ 2018 اٹ اوغانستان اٹ سیاسی ایسری کن پاکستان آن کمک خواہس، پاکستان اوغانستان اٹ سیاسی ایسری کن ہر وڑ نا کمک کننگ اٹی ءِ، اوغانستان اٹ امن انا ہرا کسر ءِ نن دوئی کرین او آسان الو۔ پاکستان کئی دہائی تیان 40 لکھ اوغان باہوٹ آتا خیالداری ءِ کننگ اٹی اُن، اوغان جنگ آن سلہہ و منشیات پاکستان اٹ بس۔