پاکستان اٹی کورونا دین انا ارٹمیکو ریسہ ترند مفک، ڈاکٹر طاہر شمسی

لاہور(آن لائن) ہلوک آ ناجوڑی تا ماہر ڈاکٹر طاہر شمسی پارینے کہ پاکستان اٹ کورونا نا ارٹمیکو ریسہ ترند مفک، ارٹمیکو ریسہ نا ترند مفننگ نا سوب 55 درسد آبادی بیدس ناجوڑی آن اینٹی باڈیز جوڑ کرینو، پاکستان اٹ یورپ، امریکہ نا حالیت پین، انڈیا ٹی ہم اولیکو و ارٹمیکو ریسہ ضم مسنو۔ اوفک اسہ پرائیویٹ ءُ ٹی وی نا پروگرام اسے ٹی ہیت وگپ کرسا پارے کہ 8، 10 دے انا ہرا ڈیٹا ءِ تننگانے، اگہ اولیکو نمبر 8 سد اسکان سر مرے و پدی شش سد آ برے، داڑے ہراتم کورونا پیک ئس، تو 26ہزار ٹیسٹ کننگاکہ، نن پارینہ کہ ہڑدے لکھ ٹیسٹ بایدے مرے۔ داسہ اسکول آتیٹی چُنا و استاد آتا ٹیسٹ مننگ بنا مسنے، کنے لگپک کہ پاکستان اٹ کورونا نا ارٹمیکو ریسہ بھاز خراب وڑاٹ بریک، دن کہ نن یورپ، امریکہ ٹی خنان، انڈیا ٹی ہم اولیکو و ارٹمیکو ریسہ ضم مسنے۔ سوب ہندادے کہ نن کراچی ٹی جولائی نا تُو اٹ ہرا سٹڈی ءِ کرینن، نن بالغ آبادی آ مشاہدہ کرین۔ آکسفورڈ یونیورسٹی نا جرنل اٹ ریسرچ شینک مس کہ 36 درسد بندغ جولائی ٹی اینٹی باڈیز جوڑ کرینو، بیدس ناجوڑی آن۔ کراچی نا 55 درسد آبادی بیدس ناجوڑ مننگ آن اینٹی باڈیز جوڑ کرینو۔ داڑے ڈینگی، سورک، ملیریا نا ویکسین ہم جوڑ مسنے۔