کمشنر نصیرآباد ناکماشی ٹی ڈویژنل پولیو ٹاسک فورس نا دیوان

کمشنر نصیرآباد ڈویژن صلاح الدین نورزئی نا کماشی ٹی پولیو تور مہم نا رد اٹ ڈویژنل ٹاسک فورس نا دیوان اڈ ہلک، ہراٹی ڈبلیو ایچ او نا نمائندہ غاک مچ آ ڈویژن اٹی بنا مروک پولیو مہم نا بست وبند پیش رفت آ جم بریفنگ تسر۔ دیوان اٹی ڈپٹی کمشنر نصیرآباد وریندر لعل و ڈسٹرکٹ ہیلتھ آفیسر ڈاکٹر ایاز حسین جمالی ساڑی ئس وخت اس کہ ایلو کل ضلع غاتا ڈپٹی کمشنر، ڈسٹرکٹ ہیلتھ آفیسر (ڈی ایچ او) آک ویڈیو لنک نا کمک اٹ بشخ ہلکر، داکان بیدس ڈاکٹر ظاہر حسین عمرانی و ایلو تعلقدار افسر آک بشخ ہلکر۔ دیوان اٹی پارت کرسا کمشنر نصیرآباد دا ہیت آ زور شاغا کہ پولیو مہم نا کل بست وبند آتے دمدستی وڑ اٹ گڈیکو دروشم تننگے، خاص وڑ اٹ مائیکرو پلان، ٹیم ٹریننگ آ خاص چکار کننگے۔ داکان بیدس لو پرفارمنگ یو سی آتیٹی مانیٹرنگ نا نظام ءِ جوان کننگے ہراڑے نزور کارکڑد یا خطرہ غاک اریر ہموڑے سُج پام تینائی کرسا خاص گام گیج کننگے۔ او ڈپٹی کمشنر، ڈی ایچ او و ایلو تعلقدار افسر آتے پارت کرے کہ پولیو تور مہم نا وخت آ فیلڈ مانیٹرنگ ءِ پین بھرمی جوڑ کننگے تانکہ ہر چنا اسکان پولیو آن بچفنگ نا پڑی سر کننگ نا ہدف سرسہبی اٹ دوئی کننگ مرے۔