قلات اٹ اے ٹی ایم نا بند مننگ ناویل ءِ ایسر کننگے‘الس نا خواست

قلات (حوال فیض نیچاری) قلات اٹ اے ٹی ایم مشینک صارف آتیکن فریشانی نا سوب جوڑ مسنو‘ تو انا بنا مننگ تون اے ٹی ایم مشین تا شٹر تے ڈاﺅن کرسا کلف کننگک‘ ملازم وایلو صارف آک صحافی تتون ہیت وگپ کرسا اسٹیٹ بینک نا سرکڑدہ و ایلو بڑزکو کمامدار آتیان خواست کریر کہ قلات اٹ اے ٹی ایم مشین تے بند کننگ نا نوٹس ہلنگے۔ او پاریر کہ تو انا بنا ٹی ہراتم ملازم آتا تنخواہک اوفتا اکاﺅنٹ آتے ٹی بریرہ تو ملازم آک اے ٹی ایم تیا کارہ توچندی اے ٹی ایم مشینک بند مریرہ اینو ہم بھلا عئید اکن سرکاری سرکاری ملازم آتا تنخواہک بسنو تو قلات اٹ MCB والحبیب بینک آن بیدس یو بی ایل، الائیڈ بینک و نیشنل بینک انا اے ٹی ایم مشین تے سروس کن بند کننگانے‘ ایم سی بی و الحبیب بینک نا ATM تیا صارف آتا رش ئس ہرانا سوب آن سَد آصارف آتے مشکل آک مون تروئی تمار۔ السی تپّہ و ایلو صارف آک ڈپٹی کمشنر قلات عزت نذیر بلوچ وایلو بڑزکو کمامدار آتیان خواست کرینو کہ قلات اٹ اے ٹی ایم نا بند مننگ ناویل ءِ ایسر کننگے۔