روس یوکرین تون جنگ ءِ چٹفنگ کن شڑت آتے مونی ایس

ماسکو : روس یوکرین جنگ اناچٹفنگ کن تینا شڑت آتے مونی ایسنے۔ روس انا ڈپٹی وزیر خارجہ پارینے کہ اگہ کیف دوارہ نیوٹرل اسٹیٹس تینائی کننگ و پوسکن آ علاقائی راستکی تے امنا کننگ کن تیار ءِ تو جھیڑہ ءِ ایسر کننگ مریک۔ روسی میڈیا نا رد اٹ ڈپٹی وزیر خارجہ تینا اسہ انٹرویو ٹی پارے کہ روس پاہک کہ امن بیرہ ہمو وڑ مننگ کیک ہراتم یوکرینی فوج عداوت ءِ السا دے کی سلہہ نا ترسیل ءِ تورے‘اوپارے کہ آخبتی امن کن المی ءِ کہ یوکرین تینا نیوٹرل و نان الائن پوزیشن آ پدی برے‘ نیٹو و یورپی یونین نا رکنیت آن نمن مرے و مخلوق نا وتواجہی حق آتا درشانی آن پد پوسکن آ علاقائی راستکی تے امنا کے۔ تینا انٹرویو ٹی روسی ڈپٹی وزیر خارجہ پاریسس کہ امن کن یوکرین ہموڑے آباد روسی ہیت کروک آتتون اوار ایلو اقلیت آتا حق آتا احترام ءِ کے و روسی بطور سرکاری زبان نافذ کے۔ ایلو کنڈآ یوکرینی صدر ولادیمیر زیلنسکی روسی شڑت آتے مسترد کرسا روسی فوج آن یوکرینی علاقہ غاتے خورک کننگ نا خواست کرے۔

(آن لائن)