بلوچستان کسٹمز، 21 ارب روپئی کسٹم ڈیوٹی نا ہدف پورو
Get real time updates directly on you device, subscribe now.
کوئٹہ : کلکٹریٹ آف کسٹم بلوچستان نا چیف کلکٹر محمد سلیم پارینے کہ فیڈرل بورڈ آف ریونیو نا کنڈآن بلوچستان کسٹم آتے ملوک آ ٹارگٹ نیمہ21 ارب روپئی آن 21 ارب روپئی کسٹم ڈیوٹی نا خرچہ ٹی جمع کرینے و مئی انا تو انا ایسری آ تینا ٹارگٹ ءِ پورو کینہ مند اٹ بارڈر مارکیٹ نا بنا ستا کڑزک داڑان ہڑتوم آ ملک انا سیمی علاقہ غاتیٹی رہنگوک آ بندغ آتے روزگار نا وارخواہی و کن خور نا گڑاتا فراوانی تون فروٹ و سوزیک رعایت اٹ رسینگرہ۔ او پارینے کہ دا جوائنٹ بارڈر مارکیٹ ءِ ہراٹی ایران و پاکستان ہڑتوم آ ملک آتا کنڈآن بارڈر نا ہڑتوم آ کنڈ آ مارکیٹ جوڑ کننگانے ہراٹی بارڈر نا علاقہ غاتیٹی رہنگوک آ اُلس ءِ دا مارکیٹ آتیان 152 آئٹم آ خاص ءُ ٹیکس اسے ٹی رعایت تون تازہ ءُ فروٹ، سوزی و ایلو ہڑدے نا کاریم اٹ اتوک آ گڑاک دوئی مریرہ او پارینے کہ دا مارکیٹ نا بابت اٹ کل انتظام کیہی ڈپٹی کمشنر آتے تسنے۔
(آن لائن)