امریکہ ٹی کوروناوائرس آن زوال کروک آتا کچ لکھ آن گدرینگا
Get real time updates directly on you device, subscribe now.
واشنگٹن: امریکہ ٹی ہلوک آ کوروناوائرس نا سوب آن زوال کروک آتا کچ اسہ لکھ آن گدرینگانے۔ پنچ شنبے نادے آ امریکی میڈیا نا رداٹ ملک اٹی داوخت آ کوروناوائرس نا پک زہمی تا جم کچ 16 لکھ 90 ہزار آن زیات ءِ۔ امریکہ نا جانز ہاپکنز یونیورسٹی نا حساب وکتاب نا رداٹ امریکہ ٹی کوروناوائرس آن زوال کروک آتا جم کچ 102107ءِ۔ کمامدار آک پک کرینو کہ غٹ آن زیات مرک مسنے۔ امریکہ ٹی داوخت اسکان کوروناوائرس آن زہمی مخلوق اٹی 62 ہزار ڈاکٹر، نرس و ایلو طبی عملہ ہم اوار ءِ۔ دا ہیت ذکر انا قابلءِ کہ امریکہ ٹی کورونانا اولیکو ناجوڑ 21 جنوری آ مون آ بسوسس۔