خاران، بنجائی وزیر میر ہاشم نوتیزئی پوسکن ءُ فیڈر اسے نا بناءِ کرے

خاران : بنجائی وزیر مملکت توانائی حاجی میر محمد ہاشم نوتیزئی گریڈ اسٹیشن ٹی سٹی تھری فیڈر نا بناءِ کرے داوخت آ بلوچستان نیشنل پارٹی نا بنجائی قائم مقام صدر ملک عبدالولی کاکڑ ہم اوڑتون تُد ئس‘ بنجائی وزیر برائے توانائی حاجی میر محمد ہاشم نوتیزئی دا وخت آ واپڈا نا رد اٹ شونداری ڈٹ آتیا کاریم ءِ ترند کننگ نا پرمان کرسا پارے کہ شونداری ڈٹ آتے ٹی کل اڑاند آتے زوت اینک کننگک۔ او پارے کہ نن اولیکو وار زمیندار تا اسیجائی اٹ بجلی نا باندات آتے ایگریمنٹ کرسا ایسر کننگ نا ہر وڑ اٹ کوشست کننگ اٹی ان۔ سروان فیڈر آنبار دریچ و کے فیڈر تے ہم شش گھنٹہ کینہ‘ او پارے کہ ننا کوشست آتیان بلوچستان ءِ ہفت سَد آن نُہہ سَد میگاواٹ بجلی فراوان کننگ انگ ءِ‘ اوپارے کہ خاران کن پین مسہ فیڈر منظور کرفنہ‘ واپڈا نا بابت کمبہ و ایلو شونداری ڈٹ آتیا کاریم ءِ تیز کرسا السی ویل آتے دمدستی ایسر کینہ تاکہ کشارگر تتون اوار لس شاری تے وخت آ ریلیف رسینگ کے۔ او واپڈا کمامدار آتے خراب مروک لائن تا دمدستی بحالی و ٹاسفارم نا فراوانی ءِ پک کننگ ناپرمان کرے تاکہ پن کروک وخت اٹ شونداری ڈٹ آتے پورو کننگ ءِ پک کننگے۔

(آن لائن)