منی لانڈرنگ و کٹیا غان وَد میرات کیس انا سماعت 17 فروری اسکان ملتوی
Get real time updates directly on you device, subscribe now.
لاہور: لاہو ر نا احتساب عدالت وزیراعظم محمد شہباز شریف و اونا مار حمزہ شہباز تون اوار ایلو خاہوت نا برخلاف منی لانڈرنگ و کٹیا غان زیات میرات کیس انا سماعت ءِ 17 فروری اسکان پدبٹے۔ عدالت حمزہ شہباز نا اسہ دے انا حاضری معافی نا درخواست ءِ منظور کرسا بروک آ سماعت آ اونا آخبتی حاضری آن استثنیٰ نا درخواست آ وکیل آتے دلیل آتیکن بٹنگا۔ احتساب عدالت نمبر 9 انا جج قمر الزمان جمعہ نادے آ کیس انا سماعت ءِ کرے۔ وزیراعظم محمد شہباز شریف نا جاگہ غا پیشی کن اونا پلیڈر انوار حسین پیش مس۔ احتساب عدالت وزیراعظم محمد شہباز شریف ءِ حاضری آن آخبتی استثنیٰ تسنے وخت اس کہ حمزہ شہباز نا کنڈان اسہ دے انا حاضری معافی نا درخواست دائر کننگا ہرادے عدالت منظور کرے۔ تدوک آ سماعت آ حمزہ شہباز نا آخبتی حاضری آن استثنیٰ نا دائر درخواست آ عدالتی پرمان آ نیب ورندی داخل کرفے ہراٹی نیب کمامدار آک عدالت ءِ معلومدار کرینو کہ منی لانڈرنگ ریفرنس اٹی حمزہ شہباز ءِ آخبتی پیشی آن استثنیٰ تننگ آ ہچ ءُ اعتراض اس اف۔ عدالت بروک آ سماعت آ وکیل آتے شرہ کن بٹنگا۔ عدالت نیب ءِ جاست وپاست اٹی اوار مروک آ پوسکن آ دوبہ دار آتا برخلاف زوت سپلیمنٹری چالان جمع کرفنگ نا پارت کرے۔
(اے پی پی)