قومی ٹی 20 ٹیم اٹ اواری تُغ تا تعبیر اسے‘حیدر علی

0

Get real time updates directly on you device, subscribe now.

ساؤتھمپٹن (مانیٹرنگ ڈیسک) انگلینڈ نا برخلاف 3 ٹی ٹوئنٹی میچ آتا سیریز کن پڑو کروک آ اسکواڈ اٹ 19 سال نا ورنا بیٹسمین حیدر علی پارینے کہ قومی ٹی ٹوئنٹی ٹی اوار مننگ تُغ تا تعبیر اسے، جہانی کہول آ پاکستان نا نمائندگی نا وارخواہی رسینگ انگ اسہ جتا ءُ آزموندہ اسے۔ اسہ انٹرویو اسے ٹی ورنا بیٹسمین حیدر علی پارینے کہ قومی ٹی ٹوئنٹی اسکواڈ اٹ اوار مننگ اونا تُغ تا تعبیراسے، ہر ورنا غا گوازی گر دا دے ءِ خننگ کن تینا کرکٹ نا بنا ءِ کیک۔ او پارینے کہ ٹی 20 کرکٹ نا گچین آزموندہ تخوک آ ہندا گوازی گرتتون ڈریسنگ روم شیئر کروک آ دا وخت آک ہر وخت یادداشت نا بشخ مریرہ۔ مستی او پارینے کہ قائداعظم ٹرافی آن پد او ایچ بی ایل پی ایس ایل نا میچ آتیٹی درملکی گوازی گرتتون کرکٹ گوازی کریٹ ولے جہانی کہول آ پاکستان نا نمائندگی نا وارخواہی رسینگ انگ اسہ جتا ءُ آزموندہ اسے۔ حیدر علی پارینے کہ کلب کرکٹ اٹی ہراتم اودے میچ اٹ بیٹنگ نا وارخواہی رسینگتوکہ تو او نیٹ انا کُنڈ آ ہناکہ او ہر وخت تینا فیورٹ شاٹ، کؤر ڈرائیو ءِ گوازی کریکہ۔ حیدر علی پارینے کہ اسہ کرکٹر اسے نا وڑاٹ دا اونا انگلینڈ نا اولیکو دورہ ءِ، دا جاگہ نا کنڈیشن او بال آک پاکستان آن جتا ءُ، او پارینے کہ سیریز آ ارا تُو مست داڑے سر مننگ بھاز فائدہ تننگ اٹی ءِ، او ای کوشست کیوہ کہ دا حالیت آن جوان فائدہ ہرفنگ کیو۔

Get real time updates directly on you device, subscribe now.

Leave A Reply

Your email address will not be published.