پاکستان او انگلینڈ نا نیام اٹ اولیکو ٹی 20 پگہ مریک

لاہور (مانیٹرنگ ڈیسک) گرین شرٹ آتے کن  ٹیسٹ آن پد ٹی 20 کرکٹ نا امتحان  پگہ غان بنا مننگ اٹی ءِ۔ ہرانا  تیاری کن ہڑتوم آ ٹیمک اینو پریکٹس سیشن اٹ اِن ایکشن مسر۔ پاکستان او انگلینڈ نا نیام اٹ مسہ ٹی ٹوئنٹی میچ آتا سیریز نا تیاریک، قومی گوازی گر تا نیٹ پریکٹس شیڈول ءِ ہراٹی بیٹنگ، بولنگ، فیلڈنگ او فزیکل فٹنس اٹ گوازی گر جوان خواری کیرہ۔ پاکستانی وخت انا رداٹ بیگہ نا شش بجہ غا ٹریننگ سیشن مریک۔ پُوسکن آ فارمیٹ اٹ کیپٹن او اسکواڈ او کوچنگ اسٹاف نا بھلو امتحان اسے، ٹیسٹ ءِ کٹفوک آ شاہین سیریز نا بے سہبی نا بدلہ ءِ ہلنگ کن تیار ءُ۔ ٹی 20 کیپٹن بابر اعظم ویڈیو لِنک آ میڈیا تون ہیت و گپ کیک او تینا حکمت عملی ءِ پاہک۔ پاک انگلینڈ ٹی ٹوئنٹی نا اولیکو امتحان اولڈ ٹریفرڈ اٹ 28 اگست آ مریک۔