ڈاکٹر آک مسیحا جوڑ مرسا الس نا خذمت ءِ کیر، اسفند یار کاکڑ

ژوب: جانجوڑی سیکرٹری بلوچستان اسفندیار کاکڑ پارینے کہ اُلس ءِ جوان طبی آسراتی نا فراوانی ءِ اولیت ایتنہ۔ ڈاکٹرک مسیحا جوڑ مرسا اُلس نا خدمت ءِ کیر۔ غیرحاضری آ ہچ ءُ سمجھوتہ اس مفک۔ ہرا کاریم کننگ کپسہ اوفک اُرا غا کار۔ سفائی نا خراب حالیت و ناپورو ریکارڈ آ اُست ہسونی نادرشانی مسہ دے اٹ ہسپتال نا کل ویل و ناجوڑ آتا جوان درمان تون اوار محکمہ ءِ زوت اس راہی کننگے۔دا خیال آتا درشانی ءِ ڈسٹرکٹ ہیڈکوارٹر ہسپتال ژوب نا دورہ نا وخت آ کرے۔ ڈائریکٹر جنرل بلوچستان قاضی نور محمد بلوچ کمشنر ژوب ڈویژن سعید احمد عمرانی ڈپٹی کمشنر عظیم کاکڑ ڈسٹرکٹ چیئرمین حاجی محمد خان کبزئی و محکمہ جانجوڑی نا افسرک ہم اوڑتون اوار ئس۔ سیکرٹری ڈی ایچ کیو ہسپتال ءِ لورالائی میڈیکل کالج نا کنٹرول اٹ کننگ نا پڑو ءِ کرسا پارینے کہ ہسپتال منجمنٹ کمیٹی نا دیوان کمشنر ژوب ڈویژن و پرنسپل میڈیکل کالج لورالائی نا کماشی ٹی بس و دا کمیٹی نا رپورٹ نا روشنائی ٹی پراگریس ءِ مونی ودفنگک۔ ہسپتال اٹ دارو تا کماشی ءِ دارو تا کمتی ءِ ہچ ءُ وڑ اسے ٹی سگپنہ۔ ہسپتال نا کل یونٹ آتے فعال کننگک۔ کوتاہی نا حالیت اٹ کارندہ غاتا ؓبرخلاف کارروائی مریک۔ ہسپتال اٹ ٹراما سنٹر و شعبہ بشخ آتے زوت اس پورو فعال کننگ نا پارت کرے۔ ٹیچنگ ہسپتال کن زوت اس ایچ او ڈی نا نوٹیفکیشن ءِ جاری کننگک۔ سیکرٹری پارینے کہ ہسپتال اٹ کارڑیولوجسٹ و پلمولوجسٹ زوت اس تینا یونٹ ءِ جوڑ کننگے و کنے رپورٹ اس تننگے۔ ڈائیلاسز نا نظام ہسپتال اٹ فعال اف۔ وخت اس کہ بلوچستان انسٹیٹیوٹ آف لیبرولوجی و یورولوجی کوئٹہ تون گنڈنگ انگ ءِ۔ تانکہ مچ آ صوبہ ٹی ڈائیلاسز نا نظام ہسپتال اٹ سپشلسٹ و کنسلٹنٹ نا تعیناتی ءِ زوت کننگک۔

(آن لائن)