ورناتے اسکل ڈیولپمنٹ پروگرام ناکمک اٹ واکدار جوڑ کننگے‘میر شعیب نوشیروانی
Get real time updates directly on you device, subscribe now.
کوئٹہ، صوبائی وزیر خزانہ میر شعیب نوشیروانی نا کماشی ٹی سوشو پولیٹیکل اسٹیئرنگ کمیٹی نا چارمیکو دیوان اڈ ہلک۔ دیوان اٹی ایڈیشنل چیف سیکرٹری شونداری زاہد سلیم، ایڈیشنل سیکرٹری خزانہ حافظ محمد قاسم تون اوار ایلو تعلقدار افسر آک بشخ ہلکر۔ دیوان اٹ صوبائی وزیر خزانہ ءِ مون نا دیوان اٹی کروک فیصلہ تیا مروک پیشرفت و گام گیج آتیا عملدرآمد نا بابت جم بریفنگ تننگا۔ کمیٹی نا چیئرمین صوبائی وزیر خزانہ و معدنیات میر شعیب نوشیروانی ورناتا مثبت سرجز، تعلیم و ہنر مندی نا شون تننگ آ زور شاغسا پارے کہ ورناتے اسکل ڈیولپمنٹ پروگرام نا کمک اٹ واکدار کرسا اوفتا است بڈی ءِ کننگے تاکہ تینا لائخی تے کاریم اٹ اتسا راج انا شونداری ٹی بھرمی و مثبت کڑد ادا کننگ کیر۔ دیوان اٹی BSDI پروجیکٹ نا فیز ٹو انا پوروی آ است جمی نا درشانی کننگا۔ دیوان اٹی دا اومیت نا درشانی کننگا کہ ڈٹ انا بروک آ ریسہ غاتے ٹی ہم کاریم نا ترندی و آب ءِ برجا تخسا پک کروک ہدف آتے دوئی کننگ۔