فلسطین نا مخ تفی ءِ مدام برجا تخنہ، ترکیہ
Get real time updates directly on you device, subscribe now.
رملہ : ترکیہ نا صدر رجب طیب اردگان پارینے کہ نن فلسطین نا مخ تفی ءِ برجا تخنہ‘ آجو فلسطینی حکومت جوڑ مننگ امن وسوگوی نا بنداوی شڑت ءِ۔ صدر اردگان دارالحکومت انقرہ نا صدارتی سوشل کمپلیکس اٹ فلسطین نا صدر محمود عباس تون اوڑدہی کرے۔ اوڑدہی آن پد اسیجا پریس کانفرنس آن تران اٹ ترکیہ نا صدر پارے کہ اقوام متحدہ نا پیرامیٹر آتا بنداوآ‘ 1967 نا سیمی تے ٹی و دے ٹکی القدس نا دارالحکومت والاآجو فلسطینی حکومت جوڑ مننگ علاقہ نا امن وسوگوی نا المی شڑت ءِ‘ نن فلسطین نا موقف نا پبی مخ تفی ءِ کینہ و علاقہ نا حالیت آتیا ہننگ اٹی ان۔ صدر اردگان پارے کہ ہر گدرینگوک آ دے اتون اوار ودوک آ جانی نسخان‘ فلسطینی تا اُراتا بھسکاری‘ غیرکانودی یہودی خلق آتے ودفنگ و یہودی آبادکار آتا بیدادی تیا ننا گڑتیک اریر‘ علاقہ ٹی عادلانہ و سوگو امن نا اسٹ انگا کسر اِرا حکومتی ایسر ءِ۔ ترک صدر پارینے کہ مسجد اقصیٰ وایلو مقدس ہند آتا تاریخی حیثیت اٹ بدلی آ ساڑی گام گیج آتے ہم نن امنا کپنہ۔
(آن لائن)