وزیر داخلہ بلوچستان نا 7 محرم الحرام نا جلوس بست و بند آتا جاچ
Get real time updates directly on you device, subscribe now.
کوئٹہ : وزیرداخلہ بلوچستان میر ضیاء اللہ لانگو 7 محرم الحرام جلوس نا بست وبند آتا جاچ ءِ ہلنگ کن روٹ انا دورہ ءِ کرے دا وخت آ وزیر داخلہ الس تون ہیت وگپ و سکیورٹی بست وبند آتا بابت ارفے ہراڑا الس ناکنڈآن صوبائی حکومت نا محرم الحرام نا سکیورٹی بست وبند آتیا است جمی نا درشانی کننگا‘ دورہ ناوخت آ وزیر داخلہ ءِ کپیٹن (ر) زوہیب محسن ایس ایس پی کوئٹہ ناکنڈآن بریفنگ ہم تننگا۔ داوخت آ وزیرداخلہ میر ضیاء اللہ لانگو پارے کہ صوبائی حکومت محرم الحرام ناو خت آ سکیورٹی نا پورو و فول پروف بست وبند کرینے و داوخت آ پولیس نا ودکی4000کارندہ ہم سلفنگانے وخت اس کہ ایف سی نا 12پلٹون ءِ ہم ودکی سلفنگانے و فوج انا ہم اِرا پلٹون ءِ اسٹینڈ بائی تخنگانے‘ اوپارے کہ تدوک آ اِرا دہائی آن ہمسائے ملک آن دہشت گرد آک امپورٹ مرسا کودک آ بندغ آتا خون ءِ کرینو‘ ہندا سوب آن سکیورٹی نا فول پروف گام گیج کننگانے۔
(آن لائن)