کیسکو خاران نا جون نا ریکوری مہم برجا، بل تفروک آتیان بل ہلنگ انگءِ

کیسکو خاران نا جون اٹی ریکوری مہم برجاءِ ہراٹی بل تفروک آتیان بل ہلنگ انگ ءِ۔ دا رد اٹ کیسکو خاران نا ٹیم ایس ڈی او سرفراز احمد بادینی نا کماشی ٹی بجلی نا بل آتا ہلنگ کن برجا ریکوری مہم ءِ سرسہبی اٹ برجا تخانے۔ کیسکو ٹیم نا کنڈ آن بل تفروک صارف آتا برخلاف کارروائی کننگ انگ ءِ و پیسہ غاتے باقاعدگی اٹ قومی خزانہ ٹی تعلقدار بینک آتا کمک اٹ جمع کننگ انگ ءِ۔ کیسکو کمامدار آتا رداٹ بجلی نا بل آتا وخت آ ہلنگ آن ادارہ نا کارکڑد اٹی جوانی بریک و صارف آتے جوان آسراتی تا فراوانی پک مننگ کیک۔ داوخت آ ایس ڈی او کیسکو خاران سرفراز احمد بادینی میڈیا تون ہیت وگپ کرسا صارف آتیان خواست کرے کہ او تینا زمواری ءِ پہہ مریر و بجلی نا بل آتے وخت آ جمع کیر تانکہ ریکوری نا ریسہ اٹ آسانی مرے و بجلی نا فراوانی نا نظام ءِ پین سوگو جوڑ کننگے۔ دا وخت آ فیڈر انچارج بہادر خان قمبرانی، کرم الہی بڑیچ و سرکاری میرات نا ریکوری انچارج حاجی محمد عارف چنال ہم ساڑی ئس۔ (رپورٹ محمد عیسی محمد حسنی)