اشتاف و بے پرواہی روڈ شکست آتا بھلو سوب ءِ، خالق شیخ

کوئٹہ : بلوچستان پولیس صوبہ ٹی اولیکو وار باقاعدہ اسہ تھیم اسے تون روڈ سیفٹی و ٹریفک کانود نا بارواٹ معلومداری مہم نا بنا ءِ کرے۔ دا بابت اٹ انسپکٹر جنرل آف پولیس بلوچستان عبدالخالق شیخ پولیس گرائمر سکول نا وال آن دا مہم ءِ بنا کرے۔ او وخت آ آئی جی پولیس بلوچستان عبدالخالق شیخ پارینے کہ جلد بازی، ڈیوالئی و لاپرواہی روڈ شکست نا کل آن بھلا سوب آک ءُ۔ ہراڑان سال اٹ ہزار آ بندغ آک تینا جان تیان دو تے سلانو۔ قومی شاہراہ تیا مقابلہ، ترندی، تیز رفتاری آن تینے پدی کرسا باہ تننگ ءِ اولیت ایتر تو دا نما اصل سرسہبی مریک۔ او پارینے کہ روڈ سیفٹی نا خاص انگا مہم نا دائرہ کار بلوچستان نا ایلو تعلیمی ادارہ غاتسکان ودفنگک۔ دا خاص انگا تھیم اٹ نہ بیرہ روڈ سیفٹی و ٹریفک معلومداری تے مون آ تخنگانے وخت اس کہ اسہ دیوال اسے “تینا تجزیہ بزریعہ سوال و جواب” کن خاص کننگانے۔ ہراڑے ہر طالب علم تینا تجزیہ ءِ کننگ کیک کہ دا وخت اسکان او اخس ہیل کننگ کیک۔

(خ ن)