ہژدہمی می ترمیم جوان ءُ گام اس ئس، ولے گڑاس نزوری ہم اریر تے، اسدعمر

0

Get real time updates directly on you device, subscribe now.

اسلام آباد (مانیٹرنگ ڈیسک) بنجائی وزیر ڈٹ بندی اسد عمر پارینے کہ 18 می ترمیم اٹ گڑاس نزوری اریر‘ نجی ٹی وی تون ہیت وگپ کرسا اسد عمر پارے کہ 18 می ترمیم سہی کنڈ آ گام اس ئس ولے داسکان ہم ناپورو ءِ‘ انتئے کہ صوبائی حکومت آتے تو واکداری تننگاسس ولے ہندی حکومت آتے داسکان ہم واکداری رسینگ تنے۔ اوپارے کہ تانکہ بنجا و صوبہ غاک اسیجائی اٹ کاریم کپسہ تو باندات آک ایسر مفہ‘ نن صوبہ غاتیان ہچ ءُ واکداری اس پدی ہلپنہ و نئے داواکداری تا جنگ انا چرجوئی اسے بلکہ نن اواری اٹ کاریم کننگ خوانہ۔او پارے کہ 8 می ترمیم اٹ گڑاس نزوری خننگانو و ننے آزموندہ ہم مسنے‘ غٹ سیاسی جماعت آک اسیجا تولسا داڑا ہیت کننگ کیرہ۔ اسد عمر پارے کہ 18 می ترمیم آن پد ملک ءِ مون آ دننگ کن مشترکہ مفادات کونسل (سی سی آئی) نا سیکرٹریٹ جوڑ مروئی ئس ولے تدوک آ ہڑتوم آ حکومت آک اودے جوڑ کتوس داسہ کابینہ سیکرٹریٹ جوڑ کننگ نا فیصلہ کرینے۔ اسہ سوج اسے نا ورندی ٹی بنجائی وزیر مستی پارے کہ شیری رحمان ءِ شاید پورو معلومداری رسینگ تنے اگہ او سلاہ کرے تو اودے سما تمک۔ یات سلے کہ تدوک آ سال ہم حکومتی تپہ ناکنڈآن 18 می ترمیم آ ہیت کننگاسس ہراڑا اپوزیشن اٹ اوار جماعت آک بھاز تنقید کریسر۔

Get real time updates directly on you device, subscribe now.

Leave A Reply

Your email address will not be published.