اپوزیشن سیوت نا سروک مولانا فضل الرحمان جلسہ غان تران کرسا پارے کہ فرانس و ڈنمارک بھلو ڈوہ اس کرینو، نن فرانس و ڈنمارک ءِ کلہو تننگ خوانہ کہ توہین آمیز خاکہ غاتا ترند انگا لوز اٹ مذمت ءِ کینہ، دا ناپاک انگا گام تے دمدستی توننگے۔ یات سلے کہ اگہ دن ءُ ناپاک ءُ گام گیج مس تو رد عمل ہم بریک۔

او پارے کہ مریم نواز و کیپٹن (ر)صفدر تون مروک آ واقعہ نا مذمت ءِ کیوہ۔ دا واقعہ اخلاقی وڑ اٹ ژند مننگ آتے پک کیک۔ پارہ کہ  مزار قائد آ نعرہ خلکنے داڑا تو کاروائی مریک، ولے ہراتم لاہور نا مسیت اٹی فلم بندی مس تو نم حرمت ءِ خنتویرے؟