مچ آ ملک اسہ کنڈ ، سلیکٹڈ و سنگت آتے تے ایلو کنڈ آن ءُ، بلاول
Get real time updates directly on you device, subscribe now.
کوئٹہ ٹی پی ڈی ایم نا جلسہ غان گلگت آن ویڈیو لنک نا کمک اٹ تران کرسا پیپلزپارٹی نا چیئرمین بلاول بھٹو زرداری پارے کہ پیپلزپارٹی پی ڈی ایم آن پدی ہڑسینگپک۔ نن اِرا گم مونی کانہ۔
بلاول بھٹوزرداری پارے کہ الس کوئٹہ، کراچی یا گوجرانوالہ نا مرے، الس تینا آجوئی و جمہوریت نا خواہندار ئِ۔ الس تینا گلزمین و وسیلہ غاتا مننگ نا آجوئی خواہک۔ الس تینا خواجہی مننگ نا آجوئی خواہک۔ الس ہیت کننگ و ساہ ہلنگ نا موکل خواہک، دا امر ءُ آجوئی اسے؟
اونا پاننگ ئس کہ ملک انا کل جمہوری جماعت آک نئے بیرہ اسٹیج آ تولوک ءُ،ب لکن اسہ پیج آ ہم اریر۔ ایلو کل ءِ ہم ہندا پیج آ بروئی تمک، ولے اُرا نا کسر ءِ کچ کیر۔