محکمہ ریونیو ٹی سرکاری گاڈی تا نیلامی نا عمل ءِ شفاف وڑ اٹ پورو کننگے‘صلاح الدین نورزئی
Get real time updates directly on you device, subscribe now.
نصیرآباد، کمشنر نصیرآباد ڈویژن صلاح الدین نورزئی نا کماشی ٹی متکن و خراب انگا سرکاری گاڈی تا نیلامی نا بابت دیوان اڈ ہلک، دیوان اٹی ڈپٹی کمشنر نصیرآباد وریندر لعل، اکاؤنٹس آفیسر امجد بہرانی، زرعی انجینئرنگ نا اسسٹنٹ انجینئر مسعود کھوسہ تون اوار نصیرآباد ڈویژن نا ایلو ضلع غاتا ڈپٹی کمشنر آک ویڈیو لنک انا کمک اٹ بشخ ہلکر، دیوان اٹی نصیرآباد ڈویژن اٹی ساڑی محکمہ ریونیو نا کل 12 متکن و خراب سرکاری گاڈی تا نیلامی نا بابت قاعدہ و ضابطہ و المی کاغذی کارروائی پورو کننگ کن سلاہ تا جاچ ءِ ہلنگا، دا وخت آ کمشنر نصیرآباد ڈویژن صلاح الدین نورزئی تعلقدار افسر آتے پارت کرے کہ نیلامی نا عمل ءِ شفاف و قاعدہ و ضابطہ نا رِد اٹ پورو کننگ کن کل المی خواست آتے وخت آ پورو کننگے۔