اصلاحات آ عملدرآمد آن معاشی استحکام، اعتمادی و جہانی منڈی تک رسائی اٹی کمک ملیا، ایم ڈی آئی ایم ایف

واشنگٹن، آئی ایم ایف نا منیجنگ ڈائریکٹر کرسٹالینا جارجیوا پارینے کہ وزیراعظم شہباز شریف تون اوڑدہی اٹی پاکستان اٹی برجا اصلاحات آ ہیت و تران کننگا۔ ایکس آ جاری اسہ پوسٹ اسے ٹی ایم ڈی آئی ایم ایف نبشتہ کرے کہ اقوام متحدہ نا جنرل اسمبلی نا دیوان نا موقع غا وزیراعظم شہباز شریف تون اوڑدہی نا موقع ملیا۔ او نبشتہ کرے کہ پاکستان اٹی برجا اصلاحات آ سوگو عملدرآمد آن معاشی استحکام ءِ برجا تخنگ، اعتماد ءِ بحال کننگ و پاکستان نا دوارگی جہانی مارکیٹ تک رسائی اٹی کمک ملنے۔ کرسٹالینا جارجیوا نا پاننگ ئس کہ اصلاحات نا سلسلہ ءِ برجا تخنگ آن معاشی شون اٹی ودکی مرو و الس نا زند نا معیار ءِ گچین جوڑ کننگ اٹی کمک ملکو۔