کوویڈ۔ 19 نا سوب آن جم جہانی پیداوار ءِ 12 کھرب ڈالر نا نسخان نا گڑتی
Get real time updates directly on you device, subscribe now.
اسلام آباد (اے پی پی) کوویڈ۔ 19 نا دین انا سوب آن اقتصادی سست روی ٹی 2021ء نا ایسر اسکان جم جہانی پیداوار ءِ 12 کھرب ڈالر نا نسخان نا گڑتی ءِ۔ اقتصادی شرح نمو ٹی کمتی آن بیدس بے روزگاری ٹی ہم ودکی نا گمان ءِ و گڑاس شون ہلوک ملک آتیٹی بے روزگاری نا کچ دوہرے ہندسہ اسکان ودک۔ یونائٹڈنیشنز کانفرنس آن ٹریڈ اینڈ ڈویلپمنٹ (یو این سی ٹی اے ڈی) نا ”دی ٹریڈ اینڈ ڈویلپمنٹ رپورٹ 2020“ (ٹی دی آر2020) اٹی اقوام متحدہ نا ذیلی ادارہ پارینے کہ جہانی زرگزرانی بحالی کن جہانی کہول آ جیرت مند و جوان ڈٹ بندی نا گرج ءِ ہرانا رداٹ سوگو میکرو اکنامک تالانی آ چکار کننگ تون اوار اوار روزگار نا پوسکن ءُ وارخواہی ودی کننگ و کارندہ غاتا روزانہ ٹی ودکی نا گام گیج آتا گرج ءِ۔ حوال اٹ سلاہ پیش کننگانے کہ جہانی کہول آ زرگزرانی بحالی کن شفاف توانائی، چاگڑدی رکھ و ٹرانسپورٹ نا پائیدار نظام آ بھلو زرکاری اس کروئی مریک۔