بلوچستان فوڈ اتھارٹی نا زونل انسپکشن ٹیم تا کارروائی تا حوال

لورالائی، بلوچستان فوڈ اتھارٹی (بی ایف اے) نا زونل انسپکشن ٹیم جانجوڑی نا اصول آتا خلاف ورزی و ہیبدار، خراب کنشت نا فراوانی نا برخلاف سخت کارروائی کرسا نیشنل ہائی وے ڈی جی خان روڈ تون اوار لورالائی شار انا جتا جتا کیبی علاقہ غاتیٹی جوڑ کنوئی گڑاتا ہند آتا جاچ ءِ ہلک۔ بی ایف اے کمامدار آتا رِد اٹ کارروائی نا وخت آ 4 ریسٹورنٹ مالک ءِ بھلو ڈنڈ اس کننگا وخت اس کہ مچٹ ہیبدار مروک 2ہند ءِ اصلاحی نوٹس جاری کننگا۔ کمامدار آتا رد اٹ ڈنڈ کروک ریسٹورنٹ آتیٹی سفائی نا خراب حالیت، ورکرآتا جند انا سَفائی نا ہیبدار بست وبند‘کھد کتر نا پاش تخنگ‘ پنوک آ کپ، جوجک نا ساڑی مننگ‘ دیر انا ٹینکی نا خراب مننگ‘ و ہیبدار مصالحہ غاتا مننگ تون اوار جانجوڑی نا اصول آتیان چَپ ایلو خلاف ورزیک اوارئسر۔ بی ایف اے کمامدار آک پیدوار کریر کہ الس ءِ آب اٹو کنست نا فراوانی ءِ پک کننگ کن کنشت نا ہند آتا باقاعدگی ٹی چاروکی و کانود نا خلاف ورزی کروک آتا برخلاف کارروائیک برجا سلرہ۔ پوریاگر و فوڈ بزنس آپریٹر آتے سفائی نا آب و فوڈ سیفٹی کانود آتیا سختی اٹ عملدرآمد نا پارت ہم کننگا۔