نائب وزیراعظم اسحاق ڈار نا چین نا وزیر خارجہ تون اوڑدہی
Get real time updates directly on you device, subscribe now.
نائب وزیراعظم و وزیر خارجہ سینیٹر محمد اسحاق ڈار کرغزستان نا شار چولپون آتا ٹی شنگھائی کمکار تنظیم نا وزراء خارجہ کونسل نا دیوان نا وخت آ چین نا وزیر خارجہ وانگ ای تون اوڑدہی کرے۔ دفتر خارجہ نا رداٹ ہڑتوم آ راہشونک پاک چین ہڑتوم آ کنڈآتا تعلقداری، علاقائی حالیت و کثیرالجہتی فورم آتیٹی کمکاری نا بابت ہیت و گپ کریر۔ نائب وزیراعظم وزیر خارجہ وانگ ای نا منت واری ءِ ہرفے کہ او شنگھائی کمکار تنظیم نا وزراء خارجہ کونسل نا دیوان نا وخت آ تینا تران اٹی علاقائی امن و سوگوی کن پاکستان نا سفارتی کوشست آتا ستاءِ کرے۔ چینی وزیر خارجہ وانگ ای شنگھائی کمکار تنظیم نا کونسل آف ہیڈز آف سٹیٹ نا بروک آ چیئرمین شپ ءِ سنبھالنگ و 2027ء اٹی شنگھائی کمکار تنظیم نا سروکی دیوان نا مہمانداری کن پاکستان کن نیک انگا استخواہی نا درشانی ءِ کرے۔