امریکہ نا یوکرین نا کنڈ آن ماسکو آ ڈورن جلہو نا مذمت

واشنگٹن : امریکہ یوکرین ناکنڈآن ماسکو آ ڈورن جلہو نا مذمت ءِ کرینے‘ تدوک آ دے یوکرین روس انا دارالحکومت ماسکو آ اِرا ڈورن جلہو کرے ہراٹی ماسکو ٹی منہ ماڑی ءِ نسخان ہم رسینگا۔ ترجمان وائٹ ہاؤس پارے کہ امریکہ یوکرین نا روس اٹ جلہو تا مخ تفی ءِ کپک‘ دا اسہ جنگ اسے و دا اوفتا جنگ ءِ ہرانا بناءِ روس کریسس‘ روس وخت اسہ م شاری تیا جلہو کننگ نا جاگہ غا یوکرین آن فوج تے کشسا دادے چٹفنگ کیک۔ میڈیا رپورٹ آتا رد اٹ یوکرین ناجلہو تیا روس سخت ورندی تننگ نا پارینے و وزارت دفاع نا ہیڈ کوارٹر نا خڑک آ مروک 2 ڈرون جلہو ءِ دہشتگردی نا کارروائی گوندانے۔ رپورٹ آتے ٹی پاننگانے کہ ماسکو جلہو اٹ ہچ ءُ جانی نسخان اس متنے ولے مئی آن پد دا وڑ انا جلہو ءِ ہائی پروفائل جلہو گوندنگ انگ ءِ۔ یوکرینی کمامدار آک پارینو کہ اسہ ڈرون اس روس انا دفاعی ہیڈ کوارٹر نا خڑک آتما وخت اس کہ آخبت اٹ دا وڑ انا پین جلہو ہم کینہ۔

(آن لائن)