بھارت،مودی کن زمبہیر، 26 جماعتی سیوت نا بے پتی تحریک اتنگ نا فیصلہ
Get real time updates directly on you device, subscribe now.
نئی دہلی : بھارت اٹ 26 جماعتی سیوت انڈین نیشنل ڈویلپمنٹل انکلوسیو الائنس وزیراعظم نریندر مودی نا برخلاف بے پتی ناتحریک اتنگ نافیصلہ کرینے‘ ہرا دا سیوت ناکنڈآن مودی ءِ اولیکو بھلا دھکہ ءِ۔ بھارتی میڈیا رپورٹ آتا رد اٹ اپوزیشن تدوک آ 2 ہفتہ غان مودی آن منی پور اٹ برجا خانہ جنگی آ لوک سبھا ٹی شر کرفنگ نا خواست کننگ ءِ وخت اس کہ مودی سرکار رے تے وبہانہ کرسا منی پور فساد آتیا پارلیمنٹ اٹ شرہ کرفنگ آن تینے پد توننگ ءِ۔تدوک آ دے راجیہ سبھا نا 50 باسک اناکنڈآن منی پور خانہ جنگی نا برخلاف قرارداد پیش کننگ آ مودی سرکار دیوان ءِ برخاست کریسس‘دیوان ءِ غیرآئینی برخاست کننگ آ اپوزیشن راہشون تا پارلیمنٹ ناپیشن آ گاندھی نا مجسمہ نا خڑک آ دھرنا اِرا دے آن برجاءِ‘ اپوزیشن آ زور شاغنگ کن مودی سرکار عام آدمی پارٹی نا راہشون سنجے سنگھ انا پارلیمنٹ نا رکنیت ءِ ہم معطل کرے۔
(آن لائن)