شونداری عمل اٹ جم فائدہ ءِ اولیت تننگک، میر قاسم سرپرہ

0

Get real time updates directly on you device, subscribe now.

مستونگ :  ڈسٹرکٹ چیئرمین مستونگ سردارزادہ میرمحمدقاسم سرپرہ پارینے کہ شونداری کاریم اٹ اجتماعیت ءِ اولیت تننگے۔ مستونگ ننا کل انا اُرا ءِ۔ اُلسی نمائندہ اُلس تون جوان لگک۔ اُلس ہرا اومیت تون کنے گچین کرینے دا اعتماد ءِ ہچ ءُ حالیت اسے ٹی شیف مننگ کن ہلیپنہ۔ اُلسی ویل آتیان تینے پدی کپنہ۔ اُلس نا اجتماعی ویل آتے جوان بنداو آ ایسر کننگک۔ دا خیال آتا درشانی ءِ او تینا آفس اٹ جتا جتا ڈل آتون اوڑدہی ٹی کرے۔ پنی آ قبائلی و سیاسی شخصیت و ٹرانسپورٹر یونین نا راہشون حاجی نورجان شاہوانی نا کماشی ٹی ٹرانسپورٹر آتا ڈل آک اوڑدہی کرے و مبارکبادی تس۔ او پارینے کہ راج انا ہچ ءُ بشخ اسے اسہ کنڈ کننگ کپنہ۔ ڈاکٹر محمد اشرف سرپرہ نا کماشی ٹی واپار برادری و پی ٹی آئی نا ضلعی صدر چیئرمین نذیر احمد نا کماشی ٹی ڈل آک اُلس ءِ دوئی بنداوی ویل آتا ایسری آن جوان معلومدار کرے کہ دا وخت آ مستونگ شار و ہیب کیب اٹ اُلس ءِ ساف دیر انا دوئی کننگ نا بابت اٹ کیہی ویل آتون مون تروئی تمک۔ محکمہ پی ایچ ای اُلس ءِ دیر انا فراوانی ٹی گیشتری بے سہب مسنے اُلس ءِ ٹینکر مافیا نا رحم و کرم آ ہلنگانے۔

(آن لائن)

Get real time updates directly on you device, subscribe now.

Leave A Reply

Your email address will not be published.