جین ایکسپرٹ مشین نا کمک اٹ ٹی بی نا ناجوڑی ءِ زو درست کننگک‘ ڈاکٹر آصف شاہوانی

کوئٹہ: ڈائر یکٹر جنرل ہیلتھ بلوچستان ڈاکٹر نوراحمدقاضی و پروگرام منیجر صوبائی ٹی بی کنٹرول پروگرام ڈاکٹر آصف شاہوانی پارینے کہ جین ایکسپرٹ مشین نا کمک اٹ ٹی بی ءِ درست کننگ آسان مسنے وخت اس کہ ناجوڑ آتا دارو تے کل بی ایم یو آتیٹی فراوان کننگانے تانکہ ہر ناجوڑ نا درمان ممکن مرے۔ خدو کم و ود 14000 آن زیات ناجوڑ آتیٹی ٹی بی ءِ درست کننگاسس وخت اس کہ صوبہ ٹی ہر سال اسہ اندازہ نا رداٹ 35000 بندغ ٹی بی آن زہمی مریرہ ہر ناجوڑ نا درست کننگ کن ڈی ٹی یو تے تینا کڑد ءِ ادا کروئی تمک۔ دا ہیت ءِ او صوبائی ٹی بی کنٹرول پروگرام بلوچستان نا کنڈآن چار دے ئی ڈسٹرکٹ ٹی بی آفیسر آتیکن کروک آ ورکشاپ آن تران کرسا کرے۔

(آن لائن)