بلوچستان اٹی نیاڑی تے پولیس بھرتی کرسا روزگار تننگ انگ ءِ
Get real time updates directly on you device, subscribe now.
کوئٹہ: بلوچستان پولیس کم وسیلہ و افرادی قوت آن پد اُلس نا جان و مال انا رکھ ءِ پک کننگ کن افسر تتون اوار کارندہ غاک ہم تینا جان تے ندر کرسا امن و ایمنی ءِ پک کننگ کن فرض آتے جوان وڑاٹ پورو کننگ اٹی ءُ۔ بلوچستان آنبار انگا قبائلی صوبہ ٹی نیاڑی و اقلیتی آتا حق آتا دوئی کننگ و رکھ اکن کوئٹہ و تربت اٹ وومن پولیس اسٹیشن نا جوڑی ٹی اتنگ تون اوار اوار نیاڑی تے پولیس اٹ بھرتی کرسا روزگار نا فراوانی ءِ پک کننگ اٹی ءِ۔ دوبہ دار آ بندغ آتا ڈیٹا ءِ مچ کننگ کن ڈی 3سی سینٹر نا جوڑی و گوادر اٹ اسپیشل سیکیورٹی زون اکن بلوچستان کانسٹیبلری نا یونٹ ءِ جوڑ کرسا عملی گام گیج کننگک۔ انسپکٹر جنرل آف پولیس بلوچستان عبدالخالق شیخ تینا منصب ءِ سنبھالنگ آن پد بلوچستان پولیس ءِ ساڑی دور انا گرج آتیا اتسا اقلیت آتے روزگار نا فراوانی ءِ پک کننگ کن پولیس اٹ ریکروٹس بھرتی کننگ تون اوار اوار بلوچستان آنبار انگا قبائلی راج اٹ نیاڑی تا حق آتا دوئی کننگ و رکھ اکن نیاڑی تے تینا ویل و ایسری کن آسراتی تننگ نا خاطر آن کوئٹہ و تربت ٹی پوسکن ءُ وومن پولیس اسٹیشن اس جوڑ کرسا اینٹی رائٹس وومن یونٹ نا جوڑی ہم دا ہیت انا شاہدی ءِ کہ بلوچستان پولیس صوبہ ءِ امن انا کنڈ آ اتسا اُلس نا جان و مال انا رکھ اکن تینا فرض آتے جوان وڑاٹ اتسا پک کننگ اٹی ءِ۔
(آن لائن)