قلات، آغا عرفان کریم و میر مقبول لانگو کاریم نا بناءِ کریر

قلات:  پوسکن گچین مروک آ ڈسٹرکٹ چیرمین آغاعرفان کریم احمد زی و اونا چیرمین میرمقبول لانگو تینا عہدہ غاتا چارج ءِ سنبھالار دا بابت اٹ پاکستان پیپلز پارٹی قلات نا کنڈآن اسہ جوان ءُ دود اس اڈ ہلک۔ دود اٹ چار جماعتی اتحاد پاکستان پیپلز پارٹی جمعیت علما اسلام بلوچستان نیشنل پارٹی و نیشنل پارٹی نا کارندہ، قبائلی و سیاسی کماش و ضلعی افسر نیاڑی کونسلر و ایلوفک بھلو کچ اسے ٹی بشخ ہلکر۔ او وخت آ دود آن تران کرسا پوسکن گچین مروک آ چیرمین آغاعرفان کریم احمدزئی پارینے کہ قلات نا ویل آتیان جوان معلومدار اُٹ۔ دا ویل آتا ایسری کن کل درکار آ وسیلہ غاتیان کاریم ہلنگک۔ قلات نا شونداری ءِ اولیت تننگک۔ قلات نا نیاڑی تے تینا ن تیا سلفنگ کن گام گیج کننگک۔ او پارینے کہ تدوک آ دہ سال آن قلات ءِ ہر وڑ اٹ پدی بٹنگا۔ سرکاری ملازمت آتیٹی قلات نا تعلیم یافتہ ورنا تے اسہ کنڈ آ کننگا۔ قلات نا ورنا تیکن روزگار نا وارخواہی ودی کرسا اوفتا اُست ہسونی تے چٹفنہ۔

(آن لان)