الس ءِ بنداوی آسراتی اوفتا درگہ غا سرکننگ ،ڈاکٹر ثانیہ نشتر

پشاور (اے پی پی) وزیراعظم نا خصوصی کمکار انسداد نیزگاری و راجی رکھ ڈاکٹر ثانیہ نشتر ڈسٹرکٹ ہیڈ کوارٹر ز ہسپتال ڈوگرہ قبائلی ضلع خیبر اٹ جوڑ احساس نشوونما سینٹر نا دورہ ءِ کرے۔ اواحساس سینٹر اٹ جوڑ احساس نشوونما سینٹر نا دورہ ءِ کرے۔ اواحساس سینٹر اٹ ساڑی کاﺅنٹرز نا سرجم جاچ ءِ ہلک۔ گائنی وارڈ، اوپی ڈی ، ایمرجنسی سنٹر تون اوار چندی بشخ آتا ہم دورہ ءِ کرے۔ دا وخت آ ایم پی اے شفیق آفریدی، ڈپٹی کمشنر ڈسٹرکٹ خیبر محمود اسلم وزیر ئسک ہم ساڑی ئسر۔ میڈیا نا نمائندہ غاتون گپ وتران کرسا خصوصی کمکار پارے کہ احساس ولشت پروگرام جہانی ادارہ کن خور و صوبائی محکمہ جان جوڑی تین پہ تینی اواری اٹ اِراسال اسکان نا وئی نا چنا، پڈپُر زالبول و پال کنفوک آ لمہ غاتیٹی غذائی کمتی آن بچفنگ کن اسہ پروگرام احساس نشوونما شین تسنے۔ اوپارے کہ کنا بننگ نا مسخت احساس نشوونما سینٹر نا ایسری جاچ ءِ ہلوئی ئس انتئے کہ زوت دادے بناءکننگک۔ اوپارے کہ سینٹر نا جوڑ کننگ نا مسخت لمہ و چناٹی غذائیت نا کمتی و ایلو ویل آتے ایسر کننگ نا ءِ۔ اوپارے کہ غذائی کاختی نا سوب آن چناتیٹی بالاد و ایلو ویل آک ودی مریرہ اوفتا جاچ ءِ ہلنگ کن بسونٹ۔ اوپارے کہ فیلڈ اٹ بننگ آن معلوم مریک کہ انت ویل ءُ، و اوفتے ہراوڑایسر کننگ مریک، طبی آسراتی تا فراوانی ٹی ہچ ءُ ڈیوالئی اس کنگپک۔ اوپارے کہ وزیراعظم عمران خان نا وژن نارداٹ الس ءِ اوفتا بنداوی آسراتی درگہ غا سرکننگ کن غٹ وسیلہ و گچین ءُ کچ اسے کاریم اٹ اتنگک۔