احساس ایمرجنسی کیش پروگرام ءِ شفاف وڑاٹ چلیفنگ انگ ءِ، ثانیہ نشتر

اسلام آباد (اے پی پی) وزیراعظم نا خصوصی کمکار راجی رکھ و تخفیف نیزگاری ڈاکٹر ثانیہ نشتر پارینے کہ احساس ایمرجنسی کیش پروگرام نا رداٹ حقدار آتے زرتس اسہ مربوط نظام اسے نارداٹ برجاءِ، احساس پروگرام اٹ اگہ زموار اسے نا برخلاف غاو ملا تو اونا برخلاف سخت کارروائی کننگک انتئے کہ راجی رکھ انا داپروگرام اٹی شفافیت ءِ اولیت ایتنہ۔ ضلع صوابی ٹی زرتس ہند آتا دورہ ءِ کننگ نا وخت آ میڈیا تون گپ وتران کرسا ڈاکٹر ثانیہ نشتر پارے کہ وزیراعظم عمران خان نا وڑن ءِ کہ پدتموک آ تپہ ءِ بڑزآ اتنگے و اوفتے آسراتی فراوان کنننگے ہندا رداٹ احساس ایمرجنسی کیش پروگرام نا بناءِ کننگا۔