محکمہ تعلقات عامہ ہروڑانا حالیت آتے ٹی الس ءِ معلومدار کننگ ءِ، شاہ عرفان غرشین

کوئٹہ (اے پی پی) ڈسٹرکٹ انفارمیشن آفس کوئٹہ غان جاری مروک آ اسہ بیان اسے ٹی صوبائی سیکرٹری انفارمیشن شاہ عرفان غرشین، ڈائریکٹر جنرل تعلقات عامہ محمد نعیم بازئی و آفیسرز ویلفیئر ایسوسی ایشن نا صدر وقاص شاہین نامحکمہ کن ودکی بونس تنخواہ نا منظوری آ منت واری ءِ ہرفسا پاریر کہ محکمہ تعلقات عامہ کورونا تون اوار ہروڑنا حالیت آتے ٹی الس ءِ حکومتی گام گیج آتیان معلومدار کننگ ءِ صوبہ نا مر مر انگا علاقہ غاتے ٹی تعینات ننا آفیسر آک تینا زمواری ءِ جوان وڑاٹ سرتننگ ءُ کورونا نا ساڑی حالیت آتے ٹی حکومتی گام گیج، پارت، مستند خبرو منٹ منٹ انا بدل مروک آ حالیت آتیان الس ءِ معلومدار کننگ ءُ بیان اٹی مستی پاننگانے کہ ننا آفیسر آک چنکو تنخواہ سے ٹی تینا فرض ءِ سرتننگ ءُ ہنداسوب آن محکمہ کن اسپیشل الاونس نا منظوری کن ہم گام گیج کننگے۔