ڈاکٹر عبدالمالک بلوچ تون ڈویژنل ڈائریکٹر سول ڈیفنس مکران نا اوڑدہی

کوئٹہ(اے پی پی) مسکوہی وزیراعلیٰ بلوچستان ڈاکٹر عبدالمالک بلوچ تون ڈویژنل ڈائریکٹر سول ڈ?یفنس مکران ڈویژن شاہ جہاں بلوچ مکران ڈویژن اٹی خلقت ءِ کورونا وائرس آن آگاہی فراوان کننگ نا بابت رضاکارآتا بھرتی کننگ نا چرجوئی ٹی اوڑدہی کرے۔ داوخت آ مسکوہی وزیراعلیٰ بلوچستان پارے کہ کرونا وائرس اسہ جہانی ءُ دین اسے ننے یکجا مرسا دا دین انا برخلاف جنگ کروئی ءِ ، کورونا وائرس نا بھس کاری تیان مچ آ دنیا نا شون ہلوک ملک آک رکھ مننگ کتوس ہموڑے ننا ملک آنبار شون پذیر ملک آک ہم دا موذی ناجوڑی انا تالانی ءِ توننگ کن دمدستی گام گیج کننگ ءُ ، دارداٹ مچ آ ملک خاص کر بلوچستان نا ہمو باشعور الس ہرافک دا موذی ناجوڑی آن بچنگ و دانا بارواٹی معلومداری تننگ اوفتا قومی فرض ءِ کہ او الس اٹی شعور تالان کننگ کن تینا وس انا رداٹ خیر انا کاریم اٹ بشخ ہلیر دا چرجوئی ٹی الس اٹی آگاہی فراوان کننگ بے حد المی ءِ تانکہ خلقت دا وائرس آن بچنگ کیر۔