اسرائیل نا جلہو آ شامی ردِعمل‘ رابطہ غاتے چٹفنگ نا پڑو

شام بیس آ اسرائیلی جلہو آن پد اسرائیل تون رابطہ غاتے چٹفنگ نا پڑو کرینے۔ حوالکار ادارہ تون ہیت وگپ کرسا شامی وزیرِ خارجہ اسعد الشیبانی پارے کہ اسرائیل آ دا وخت آ پت اف، اسرائیلی جلہو آتے توننگ شام انا اولیکو اولیت ءِ۔ اسعد الشیبانی پارے کہ شام سفارت کاری نا کمک اٹ تعلقداری خواہک۔ او پارے کہ اسرائیل نا سیکورٹی معاہدہ غا عملدرآمد کننگ نا ارادہ اف‘ معاہدہ ٹی اسرائیل تون کل سیکورٹی باندات آتیا امنائی مسوسس۔ او پارے کہ اسرائیلی فریق اٹی معاہدہ غا سر مننگ نا ہچ ءُ استخواہی اس خننگپک، شام انا اولیت سیکورٹی معاہدہ غا سر مننگ آن مست اسرائیلی بیداد ءِ توننگ ءِ۔