شجرکاری مہم ءِ ترند کننگ کن ہلہلہ ئی بنداو آ گام گیج کننگ انگ ءِ‘عابد سلیم قریشی
Get real time updates directly on you device, subscribe now.
نصیرآباد (خ ن) محکمہ جنگلات و جنگلی حیات نصیرآبا د ڈویژن ناکنڈآن بلین ٹری سونامی پروگرام نا رد اٹ زمیندار تیکن اسہ دے ئی شراکتی ورکشاپ سرکٹ ہاﺅس ڈیرہ مراد جمالی ٹی اڈ ہلک۔ ورکشاپ نا خاص انگا مہمان کمشنر نصیر آباد ڈویژن عابد سلیم قریشی ئس‘ ورکشاپ اٹ صوبائی سیکرٹری جنگلات و جنگلی حیات ڈاکٹر محمد سعید جمالی، پروجیکٹ ڈائریکٹر سید علی عمران، چیف کنزیویٹر ضیغم علی، ڈویژنل ناظم جنگلات نصیر آباد محمد امین مینگل، مسکوہی صوبائی وزیر میر عبدالغفور لہڑی، ہندی زمیندار میر سبز علی خان عمرانی، میر اسفند یار جمالی، غلام نبی عمرانی، میر سنجر خان جمالی، میر زمان خان عمرانی، میر زاکر حسین ہجوانی، ڈی ایف او سمندر خان کھوسہ، عبدالسلام بنگلزئی، عابد علی، غلام سرور اسک ساڑی ئسر۔ ہیلکاری ورکشاپ آن تران کرسا کمشنر نصیر آباد ڈویژن عابد سلیم قریشی، صوبائی سیکر ٹری جنگلات و جنگلی حیات ڈاکٹر محمد سعید جمالی اسک پاریر کہ بلوچستان اٹ شجرکاری مہم ءِ ترند کننگ کن ہلہلہ ئی بنداو آ گام گیج کننگ انگ ءِ‘ شجر کاری مہم اٹ غٹ زمیندار وبزغر آتا ہم مونی بننگ نا گرج ءِ۔