نشست آتے ودفنگ آن بلوچستان نا پسماندگی ءِ چٹفنگ اٹ کمک رسینگک‘نورمحمد دمر
Get real time updates directly on you device, subscribe now.
ہرنائی (آن لائن) بلوچستان عوامی پارٹی نا بنجائی راہشون صوبائی وزیر پی ایچ ای، واسا حاجی نورمحمد خان دمڑ پارینے کہ سینٹ اٹ بلوچستان نا صوبائی اسمبلی نا نشست آتے ودفنگ آن بلوچستان نا پسماندگی ءِ چٹفنگ اٹ کمک رسینگک‘ صوبائی اسمبلی نا نشست آتے ودفنگ آن صوبہ نا غٹ مر انگا علاقہ غاتے صوبائی اسمبلی ٹی نمائندگی نا حق رسینگک‘ بلوچستان نا قومی اسمبلی نا نشست آتے ودفنگ کن ہم کوشست کننگ اٹی ان۔ اسلامک ریلیف پاکستان تنظیم ناکنڈآن ضلع ہرنائی ٹی ایمرجنسی رسپانس پروگرام نا بنا کننگ آن ضلع ہرنائی نا مر انگا علاقہ غاتا الس نا بنداوی ویل آک اوفتا اُراتے ٹی ایسر مریرہ‘ تنظیم تون ہر وڑ انا کمک کینہ۔ دا خیال آتادرشانی ءِ او اسلامک ریلیف پاکستان نا ایریا پروگرام منیجر عیسیٰ طاہر سنجرانی نا کنڈآن ہرنائی ٹی ونٹر ایمرجنسی رسپانس 2 سال انا شونداری پروگرام ضلع ہرنائی ٹی بنا کننگ نا بابت بریفنگ تننگ ناوخت آ کرے۔ داوخت آ اسلامک ریلیف پاکستان ناسینئر انجینئر احتشام کبدانی، سینئر فنانس آفیسر سید نصیب اللہ، سینئر سپلائی چین آفیسر حفیظ بلوچ و ایڈوکیسی آفیسر رضوان کاسی، ہرنائی نا محمد علی دمڑ و ایلوفک ہم ساڑی ئسر۔