رمیز راجہ پاکستان کرکٹ اٹ جوانی کن 4 ٹِکی پلان اس پیش کرے

 کراچی ( آن لائن) مسکوہی اوپننگ بیٹسمین و کمنٹیٹر رمیز راجہ پاکستان کرکٹ اٹ جوانی اتنگ کن 4 ٹِکی ءُ پلان اس پیش کرے۔ رمیز راجہ پارینے کہ کلب و ڈومیسٹک لیول آ پچ آتا آب بھاز خراب ءِ، ہراتم اسکان جوان ءُ پچ جوڑ کننگپک او وخت اسکان ٹاپ کلاس نا مقابلہ مننگ کپک، نا اخس کہ بھلو مسخت اس مرے ولے ہراتم اسکان پچ آتیا سجفنگپک ہچ اس ہم دوئی کننگ کپیسہ۔ فرسٹ کلاس کرکٹ اسٹرکچر نا بارواٹ او پارینے کہ اولیکو دا فیصلہ کننگے کہ نمے ریجنل ٹیم تخوئی ءِ یا پروفیشنل آرگنائزیشن نا کنڈآ پدی ہنوئی ءِ، اوکان پد ہندا ٹیم تا بابت سجفنگے، درملکی اسٹار تے بٹنگ انگ ءِ۔ سیزن نا بنا غان مست کل مقابلہ غاتا شیڈول آتے شینک کننگے تانکہ شیدائی تے مالو آن دا بابت معلومداری دوئی مرے، ہندن کرکٹ ایڈمنسٹریشن ءِ جوان و ٹیلنٹ ءِ مون آ اتنگ کن جوان ءُ گام گیج کننگے۔