محکمہ مواصلات و تعمیرات اٹی پدخاہوت کوٹہ غا شفاف بھرتی کننگک، بابر خان

کوئٹہ، سیکرٹری مواصلات و تعمیرات بابر خان پارینے کہ محکمہ مواصلات و تعمیرات اٹی پدخاہوت کوٹہ نا انڈر بھرتی تا عمل پورو وڑ اٹ میرٹ، شفافیت و پک کروک قااعدہ و ضابطہ نا رِد اٹ پورو کننگک، دا بابت ہچ وڑ انا سفارش، زورشاغنگ یا سٹی نیام تمنگ ہچ گہس سگنگ مفک۔ او تعلقدار افسر آتے پارت کرے کہ بھرتی تا مچ آ عمل ءِ بھرمی، منظم و کنڈہلپروک کننگے تاکہ اسہ اومیتدار اسے ہم غاو مف۔ دا خیال آتا درشانی ءِ او محکمہ مواصلات و تعمیرات اٹی پدخاہوت کوٹہ نا جتا جتا سامی تیا بھرتی تا بابت اڈ ہلوک جاچ دیوان نا کماشی ءِ کرسا کرے۔ دیوان اٹی محکمہ مواصلات و تعمیرات نا کل شش زون تا چیف انجینئر، چیف انجینئر ای اینڈ ایم، ورکس ڈویژن نا افسر و ایلو تعلقدار کمامدار آک بشخ ہلکر۔ دیوان نا وخت آ تعلقدار افسر آتا کنڈ آن سیکرٹری مواصلات و تعمیرات ءِ پدخاہوت کوٹہ نا برجا بھرتی تا عمل، اومیتدار آتا کوائف و دستاویز آتا جاست پاست تون اوار چندی باندات آتیا جم بریفنگ تننگا۔ دیوان ءِ پاننگا کہ محکمہ ٹی پدخاہوت کوٹہ نا بھرتی تا رد اٹ سپریم کورٹ نا فیصلہ و تعلقدار پرمان آ پورو آن پورو عملدرآمد کننگ انگ ءِ‘ وخت اس کہ اومیتدار آتا کنڈ آن جمع کرفنگوک دستاویز آتا جاست پاست نا عمل ہم برجاءِ۔ سیکرٹری مواصلات و تعمیرات بابر خان پارے کہ بھرتی تا عمل اٹی میرٹ و شفافیت ءِ امر کہ مرے پک کننگے و کل اومیتدار آتتون اسہ وڑ و انصاف آ تالان وڑ و ڈٰول تینائی کننگے او تعلقدار افسر آتے پارت کرے کہ اومیتدار آتا کاغد و ایلو المی دستاویز آتا جاست پاست ءِ پک قاعدہ نا رِد اٹ پورو کننگے و اسہ کہول آ ہم جندی پسند و ناپسند، سفارش یا زور شاغنگ ءِ امنا کننگپ۔ او مستی پارے کہ پدخاہوت کوٹہ نا بھرتی تا عمل اٹی ہچ وڑ انا ابہام‘ بے ضابطگی یا غاو انا گنجائشت مف‘ کل ریسہ غاتے پیدوار وڑ اٹ پورو کنگے تاکہ بھرتی نا عمل بیرہ میرٹ آ تالان مف بلکہ اونا شفافیت ہم ہر کہول آ پیدوار مرے۔