پولیو ٹیم تا سیکورٹی آ سلوک آتے شست کننگ است ہسونی ناسوب ءِ‘شاہد رند

کوئٹہ، وزیراعلیٰ بلوچستان نا کمکار حوالکاری و سیاسی باندات شاہد رند نوشکے نا علاقہ کلی جمال آباد اٹی پولیو مہم نا ٹیم آ نادرست سلہہ بند بندغ آتا سم کاری نا واقعہ ٹی اِرا پولیس کارندہ نا شہادت آ ڈکھ و ارمان کرینے۔شاہد رند پارے کہ پولیو ٹیم نا سیکیورٹی آ پندار پولیس اہلکار آتے شست کننگ بے کچ افسوزناک و قابلِ مذمت واقعہ اس ہے۔ فرائض نا ادائیگی نا نیام اٹی پولیس اہلکار تا شہادت آ است ہسونی ہے، او شہید پولیس اہلکار تا خاہوت آتتون استی ہمدردی و تعزیت نا درشانی ءِ کرسا پارے کہ ڈکھ نا دا ساہت اٹی حکومت و پولیس شہداء نا خاہوت آتتون اوار سلوک ءُ۔ شاہد رند پارے کہ واقعہ نا بابت پولیس نا کنڈ آن جاست پاست برجا ہے، جاست پاست پورو مننگ آن پد واقعہ نا ودیک سرجم حوال آک مون آ برورو۔