نوشکے پولیس نا غاو دیوان، السی ویل آتا ایسری کن گام گیج
Get real time updates directly on you device, subscribe now.
ایس پی نوشکے سلیم شاہوانی نا کماشی ٹی نوشکے نا صدر تھانہ ٹی السی غاو دیوان اس اڈ تننگا، ہراٹی پولیس افسر، پوریاگر آتا تنظیم و جتا جتا تپہ غاتیان تعلقدار بندغ، راجی شخصیت و شاریک بھلو کچ اسے ٹی بشخ ہلکر۔ دیوان اٹی بشخ ہلوک آک منشیات بہا کننگ، پولیسنگ، امن و ایمنی و ایلو السی ویل آتا بابت پولیس ءِ معلومدار کرسا دا ویل آتا ایسری کن بھرمی کارروائی آ زور شاغار۔ ایس پی نوشکے سلیم شاہوانی شاری تا غاو تے خف تورے و کیہی ویل آتا ایسری کن جاگہ غا تعلقدار افسر آتے پارت کرسا دمدستی گام گیج کرے ہراڑان کیہی غاو تا دمدستی ایسری پک مننگ کرے۔ دا وخت آ ڈی ایس پی و ایس ایچ او تتون اوار پولیس نا ایلو افسر آک ہم ساڑی ئسر۔ ایس پی نوشکے سلیم شاہوانی پارے کہ الس نا جان و مال انا رکھ و اوفتا ویل آتا ایسری پولیس نا اولیکو اولیت اٹی اوار ءِ۔ نوشکے (نامہ نگار)