پرو نوکاپ آن پد بند مروک آ کوئٹہ کراچی شاہراہ ءِ بحال کننگا

لسبیلہ :  وزیراعلی بلوچستان میر عبدالقدوس بزنجو و چیف سیکرٹری بلوچستان عبدالعزیز عقیلی نا پارت آ بشام نا پر تیان مروک آ نسخان تا جاچ ءِ ہلنگ و کمکی کاری تا ڈائریکٹ نگرانی نا بابت اٹ ڈی جی پی ڈی ایم اے جہانزیب پٹھان زہمی آ ضلع غاتادورہ ءِ کننگ اٹی ءِ۔ دا بابت اٹ او اینو ننکان ضلع لسبیلہ نا ہیڈکواٹر اوتھل نا ہنگامی بنداو آ دورہ ءِ کرے و ریلیف آپریشن نا بابت اٹ اوتھل ریسٹ ہاؤس اٹ اڈ ہلوک دیوان اٹ بشخ ہلک۔ ایڈیشنل ڈپٹی کمشنر ریونیو روحانہ گل کاکڑ بشام نا پر تیان مست رین اسپیل اٹ مروک آ نسخان و برجا انگا کمکی کاریم تا بابت اٹ بریفنگ تس۔ اے ڈی سی ریونیو ریلیف آئٹم نا گرج آتیان ہم ڈی جی پی ڈی ایم اے ءِ معلومداری تس۔ او وخت آ چیئرمین ڈسٹرکٹ لسبیلہ عبدالرشید پھورائی ہم ساڑی ئس۔ ضلعی انتظامی افسر کمامدار آتے بریفنگ اٹ پارے کہ لسبیلہ نا مشی آ علاقہ غاتیٹی برجا انگا پر انا تے آن آرسی ڈی ہائی وے اوتھل و بیلہ نا نیام انا ہند آتیا بند مسوسس۔

(خ ن)