بھارتی بیدادی آن پد ہم کشمیری تا جہد آجوئی سرسہب مریک، ڈاکٹر معید یوسف

اسلام آباد (اے پی پی) قومی سلامتی ڈویڑن و اسٹریٹجک پالیسی پلاننگ نا بارواٹی وزیراعظم عمران خان نا خصوصی کمکار ڈاکٹر معید یوسف پارینے کہ بھارتی فوج انا بیدادی آن پد ہم کشمیری تا جہد آجوئی سرسہبی اٹ ہمکنارمریک۔ داخیال آتا درشانی ءِ او اسلام آباد اٹی کشمیر کمیٹی نا چیئرمین شہریار آفریدی تون اوڑدہی ٹی کرے۔ ڈاکٹر معید یوسف پارے کہ بھارتی بیدادی و جارحانہ گام گیج کشمیری الس نا جہد ءِ توننگ کپک۔ داوخت آ گپ وتران کرسا کشمیر کمیٹی نا چیئرمین شہریارآفریدی پارے کہ پاکستان کشمیری تا منصفانہ حق خودارادیت نا دوئی کننگ کن مدام اوفتے تون سلک۔