2 لکھ 10 ہزار 468 بندغ کورونا ءِ کٹسا دراخ جوڑمسر،این سی او سی

اسلام آباد (اے پی پی) نیشنل کمانڈ اینڈ آپریشن سینٹر(این سی او سی) کورونا وائرس نا بابت تازہ و پک حساب وکتاب ءِ جاری کرے، 2 لکھ 10 ہزار 468 کورونا وائرس ءِ کٹسا اسُل دراخ جوڑ مسنو۔ این سی او سی نا رداٹ داوخت آ مچ آ ملک اٹی 51 ہزار 283 کورونا ایکٹو کیس ءُ۔ آزاد کشمیر و بلوچستان اٹی اسہ ناجوڑ اس ہم وینٹی لیٹر آ اف، تدوک آ 24 گھنٹہ ٹی 18 ہزار 331 ٹیسٹ کرے ہرافتے ٹی 1332 پوسکن ءُ مثبت کیس رپورٹ مسنے، پین 38 کورونا ناجوڑ زوال کرینو۔ مچ آ ملک اٹی کورونا غان زوال کروک آ بندغ آتا کچ 5 ہزار 677 مس۔ تدوک آ 24 گھنٹہ ٹی مروک آ ٹیسٹ آتیٹی سندھ انا 6676، پنجاب نا 7435، کے پی کے نا 1307، اسلام آباد نا 2527، بلوچستان نا 135، گلگت بلتستان نا 60 و آزاد کشمیر نا 191 ٹیسٹ اوار ءُ۔ ملک انا چندی بشخ آتیٹی 1825وینٹی لیٹر کوروناناناجوڑ آتیکن جتا کننگانے 255 ناجوڑ وینٹی لیٹرآٹی ءُ۔ داتم اسکان مچ آ ملک اٹی کورونا نا جم زہمی تا کچ 2 لکھ 67 ہزار 428 ءِ۔ ملک انا 733 ہسپتال آتیٹی 2394 کورونا ناجوڑ درمان مننگ ءُ۔