کوئٹہ : پی ٹی آئی نا پارلیمانی لیڈر سردار یار محمد رند اسبملی ٹی گپ و تران کرسا پارینے کہ کنے وزیر اعلیٰ کنے گوجالنگ اٹی ءِ۔ ہرانا سوب آن کنا ضمیر منپک کہ داسہ ای پین کابینہ ٹی سلو۔ بجٹ آن مست ویل آتے چٹفنگاکہ تو دن ءُ حالیت اس متوکہ، ہرا کہ بجٹ نا دے مس۔ بیداد کچ آن گدرینگے تو پد تے جوان مفک۔ نن استحصال نا خلوک اُن، ہندا سوب آن بیداد نا برخلاف ہیت کننگ کپنہ۔ او پارے کہ وَخ کہ اپوزیشن ہم بجٹ اٹ اوار مروسس، مگہ او پارے کہ بحیثیت وزیر ٹرانسفر و پوسٹنگ اسکان نا ہم واکداری اَلوکہ۔ وزیراعلیٰ ویل آتا ایسری کن بایدے اپوزیشن آ جرگہ اس دروسس۔ رزاک آ بلوچ پشتون اختلاف، ووخت اس بلوچ براہوئی نا پرخ ودی کننگ انگ ءِ۔ بلوچ و سندھی اختلاف آتے ودفنگ انگ ئِ۔ ا وپارے کہ لکھ آتا کچ اٹ بلوچ آک سندھ اٹ آباد ءُ، امن کمیٹیک نصیر آباد اٹی ہمو بندغ آتا دوٹی ءُ ہرافتیا خون نا دوبہ ءِ۔ ننا حلقہ غاتیٹی انتظامیہ ایلو علاقہ غاتیان اتنگا۔ ایوان شاہد مرے سردار رند و خاہوت ءِ تے گڑاس مس تو زموار تے جام کمال مرو۔