ضلعی انتظامیہ ہڑدڑی حالیت آتا ایسری کن گام گیج کے، بی این پی نوشکے
Get real time updates directly on you device, subscribe now.
نوشکے (تلار حوالکار) بلوچستان نیشنل پارٹی نوشکے نا ضلعی بیان اٹ ضلعی انتظامیہ ءِ پاننگانے کہ ہڑدڑ، نفسانفسی و ذہنی فریشانی ناچاگڑد ءِ ودی مننگ آن توننگ کن کوڑی کننگ و بلیک مارکیٹنگ ءِ چٹفنگ کن پبی عملی گام گیج کننگ تون اوار اجرتی بنداو و چنکا پوریا کروک آتا زند ءِ برجا تخنگ کن ہلہلہ ئی بنداو آ گام گیج کننگے۔ بیان اٹ پاننگانے کہ نیمہ لاک ڈاﺅن آن منہ گھنٹہ پد نوشکے ٹی کنوئی آ گڑاتا نہاد آتے بے کچ ودفسا 50 کلونُت ہرانا لاک ڈاﺅن آن مست نہاد 2400 روپئی ئس ولے لاک ڈاﺅن مننگ تون 3000 روپئی آبہا مننگ بنا کرے و جوان انگا کوالٹی نا نُت اتون اوار ایلو گڑاتے مارکیٹ آن غریب کننگانے ہراکہ الس ءِ فریشان کننگ ناسوب جوڑ مننگ اٹی ءِ۔ بیان اٹ پاننگانے کہ سینی ٹائز‘ ماسک اینڈ واش و کلورکین کون آ الس و اڑزان بہا مروک گڑاتا مصنوعی کاختی ودی کرسا بلیک اٹ کبین بہا کننگ انگ ءِ۔ بیان اٹ پاننگانے کہ نیمہ لاک ڈاﺅن الس نا فائدہ و وائرس نا توننگ کن بھاز جوان ءُ گام اسے ولے جم وپیدوار میکنزم مفننگ ناسوب آن الس کن فوڈ سیکورٹی رسک جوڑ مننگ اٹی ءِ۔