کورونا وائرس‘ سعودی عرب اٹ ہم 21 دے اکن ننکان نا کرفیو نافذ

ریاض(آن لائن) اردو بولی ٹی سعودی عرب نا سرکاری اخبار ”اردو نیوز“ نا رداٹ سعودی حکومت مچ آ ملک اٹ 21 دے ئی کرفیو نا پڑو کرینے۔ ہرا 23 مارچ آن 12 اپریل اسکان برجا سلک۔ وخت اس کہ کرفیو نا وخت شام انا 7 بجہ غان سہب انا 6 بجہ اسکان مریک۔ یات سلے کہ تدوک آ دے سعودی عرب اٹ کورونا وائرس نا پین 119 زہمی مون آ بسنو اوکان پد اوڑے کورونا آن زہمی آ بندغ آتا کچ 511 مسنے۔ سعودی خبر رساں ادارہ ”ایس پی اے“ نا رداٹ سعودی فرمانروا شاہ سلمان بن عبدالعزیز تینا شاہی فرمان اٹ شاری و پیشن ملکی تیان تران کرسا پارینے کہ اوفک تینا رکھ انا خاطر آن کرفیو نا وخت اٹ تینا اُراتیٹی مریر۔ وخت اس کہ سرکاری و نجی بشخ انا اہم انگا صنعت آتا ہمو ملازم آک ہرافتا کاریم اٹ بھاز گرج ءِ۔ اوفک کرفیو ٹی ہننگ کیرہ وخت اس کہ سکیورٹی اہلکار، فوجی، میڈیا ملازم آک، جانجوڑی و خدمت نا اہم انگا بشخ آتون گنڈوک آ کارندہ غاک ہم کرفیو ٹی کاریم کننگ کیرہ۔